‘Wirdong’ bagay sa sex at pag-ibig (1)
Marahil ay iniisip natin na alam na natin lahat ang tungkol sa pag-ibig at sex. Pero ang tanong: Alam mo na nga ba talaga lahat at tama ba lahat ang alam mo? Narito ang ilang bagay ukol sa love at sex ayon sa health.com na ikagugulat ninyo.
Parehong DNA - Love aseeks its own kind, ika nga. Madalas ang pinipili nating partner ay ‘yung kapareho natin ng edad, lahi, relihiyon, katayuan sa buhay at kung anu-ano pa. Pero ayon sa isang pag-aaral na inilathala sa Proceedings of the National Academy of Science, natuklasan na ang madalas na nagkakatuluyan ay may halos parehong DNA (Deoxyribonucleic acid). Pinag-aralan ng mga researchers ang genetic material ng 825 American couples ang nakitang kaunti lang ang pagkakaiba ng DNA ng mga married couple kumpara sa dalawang taong pinili lamang mula sa grupo.
Ang panonood ng ‘romantic-comedy’ movies - Ang panonood ng magkasama ng pelikula ay maaaring magpatibay ng pagsasama ng mga couples, ayon kay Matthew Johnson, PhD, director ng Marriage and Family Studies Laboratory at Binghamton University. Sa kanyang pag-aaral, dumadalo ang mga couples ng counseling o nanonood ng mga pelikula tungkol sa relasyon. Bumaba ang divorce rate ng grupo matapos ang tatlong taong pag-aaral. (Itutuloy)
- Latest
