Alexander huling hinaharot si Jinri

MANILA, Philippines - Bago magsimulang magpakilig ang Korean actor na si Alexander Lee sa My Korean Jagiya na magsisimula na bukas, ibinahagi muna niya ang isa sa mga bagay na ginagawa niya in between takes sa kanilang serye. Aniya, ito ay ang kulitin ang fellow artists niya.

Sa Instagram nga, ipinakita niyang pinagtitripan niya si Jinri Park habang nagbabasa ito. Bentang-benta naman ito sa mga follower niya dahil makulit daw ito, kabaliktaran sa nakikita nilang pagsusungit ng kanyang karakter na si Jun Ho kay Gia (Heart Evangelista) sa upcoming GMA series. Nako, excited na kami talagang magsimula ito!

Dingdong Eklay lang na hindi nag-work out

Hindi nga kami binigo ng pagbabalik ni Alyas Robin Hood dahil tama ang double the action na na-feel namin sa pilot week. Hands down kami sa walang kupas na husay ni Kapuso Primetime King Dingdong Dantes. Grabe naman kasi ang stunts na ginawa agad ni Pepe. 

If pilot week pa lang, maaksyon na, siguradong mas maraming action-packed scenes pa ang masasaksihan natin. Saka mukhang pinaghandaan ni Dingdong ang pagbabalik ng serye kahit na sinasabi niya na hindi na niya kailangang mag-work out dahil sa pagsunud-sunod at paghahabol niya kay Baby Zia ay pagod na siya.