Tom nominadong Best Actor sa Madrid!

Nominated ang Kapuso actor at bida ng upcoming GMA 7 primetime teleserye na I Heart Davao na si Tom Rodriguez sa Madrid International Film Festival 2017 (Madrid IFF) as Best Lead Actor in a Foreign Language Feature Film para sa indie film na Magtanggol.

Ibinalita ito via Instagram ng ilovetomden noong nakaraang June 22.

Nakakuha rin ng nominasyon ang direktor ng Magtanggol na si Sigfreid Barros Sanchez at ang co-star ni Tom na si Yam Concepcion.

Heto ang na-post sa IG:

“Congratulations to Magtanggol: 2017 Madrid International Film Festival July 8 - 15, 2017 Nominations for: Sigfreid Barros Sanchez - Best Director of a Foreign Language Feature Film Tom Rodriguez - Best Lead Actor in a Foreign Language Feature Film Yam Concepcion - Best Lead Actress in a Foreign Language Feature Film. CONGRATULATIONS on your nominations @akosimangtomas. #TomRodriguez #Magtanggol #MagtanggolTheMovie #MadridInternationalFilmFestival (c) Magtanggol fb page”

Sa Magtanggol, gumanap si Tom bilang 40-year-old senator named Juancho Magtanggol na isang committed supporter ng Overseas Filipino Workers.

Kasama rin sa pelikula si Dina Bonnevie at Kim Domingo.

Ang 6th annual Madrid IIF will be held from July 8 to 15 in Madrid, Spain.

Elizabeth nabilib kay Kris

Pitong taon ding hindi gumawa ng teleserye sa bakuran ng GMA 7 ang award-winning veteran actress na si Ms. Elizabeth Oropesa.

Huling teleserye pa ni La Oropesa ang Beauty Queen na pinagbidahan pa noon ni Iza Calzado in 2010.

Ngayon ay balik-Kapuso si Elizabeth via Impostora.

“After kasi ng Beauty Queen, sa ibang networks ako naging busy.

“I did two teleseryes for ABS-CBN and one for TV5.

“Alam mo naman tayo, hindi naman tayo exclusive sa anumang network, kaya kung sino ang may trabaho para sa atin, doon muna tayo.

“But GMA 7 is so good to me, kinukuha pa rin nila ako mag-guest every now and then. Like sa Karelasyon at Imbestigador.

“I truly appreciate that talaga,” ngiti pa niya.

Sa Impostora, gaganap siya bilang si Denang, ang adoptive mother ni Nimfa na ginagampanan ni Kris Bernal.

“It’s my first time to work with Kris Bernal sa isang teleserye.

“Actually, halos buong cast, first time ko makasama kaya nakaka-excite for me kasi bago lahat.

“Nakakabilib si Kris kasi alam ko ang hirap ng may prosthetics sa mukha. Pero nakakaarte pa rin siya ng tama.

“Wala akong naging problema with the rest of the cast kasi napaka-professional nilang lahat.

“Sa buong cast nga, ako lang ang pinaka-senior sa lahat. At nakakatuwa na magagalang ang mga baguhan na ito sa tulad ko.

“Ako naman kasi, 44 years na tayo sa industriya. Nakatrabaho ko na ang iba’t ibang mga artista. But I’m happy na nandito pa rin tayo and these new generation of stars ay nakikilala pa rin tayo,” pagtatapos pa ni Ms. Elizabeth Oropesa.

Bagong tattoo ni Paris Jackson may konek ulit kay MJ

Ipinagmalaki ni Paris Jackson ang bagong tattoo niya na dedicated sa kanyang late father, ang King of Pop Michael Jackson.

Sa kanyang Instagram ay ipinost ni Paris ang bagong tattoo niya.

“With every step I take, you lift my foot and guide me forward. Love you,” caption pa niya.

Apple Head ang ipina-tattoo ng 19-year-old sa kanyang left foot.

Apple Head was a nickname that his children and fans called the King of Pop.

May higit 50 tattoos na si Paris na matatagpuan sa iba’t ibang parte ng katawan niya. Nagsimula siyang magpa-tattoo noong nag-turn 18 siya.

May mga tattoo siya na ipinalagay bilang tribute sa kanyang mga favorite musicians tulad nila David Bowie, Prince, and John Lennon.

Ang ilan naman ay para sa kanyang amang si Michael tulad ng “Bad” na nasa right hand niya, at ang cover art ni Jackson sa 1991 album nitong Dangerous na nasa forearm ni Paris.