Kim dikit na sa nanay ni Xian!

Masaya si Xian Lim sa takbo ng kanyang showbiz career.

Masaya siya sa feedback na kanyang nakukuha dahil sa pagganap sa currently showing movie, My Dear Other Self, kasama sina Jodi Sta. Maria at Joseph Marco.

Gumaganap siya bilang si Henry, isang happy go lucky guy, na walang pakialam what tomorrow, kumbaga, will bring. Ganun pa man, kabaliktaran naman daw siya nito in real life.

“Gusto ko planado ang buhay ko, lalo pa nga at nag-iisa akong anak ng mother ko,” ani Xian. “She and my dad separated when I was very young.”

Para kay Xian, si Kim ang babaeng pinakamalapit sa kanyang puso sa kasalukuyan.

Naipakilala na rin daw niya si Kim sa ina and they seem na impress sila sa isa’t isa, ani Xian.

Joko mas abala sa pag-aalalay kay Ate Vi

Bukod pala sa madalas pa rin niyang pagganap sa TV, mostly sa GMA 7, may permanenteng trabaho si Joko Diaz sa office sa Kongreso ni Lipa Representative cum Star for All Season na si Vilma Santos-Recto.

Kasama si Joko sa cast ng itinutu­ring ng GMA 7 na pinaka-importanteng series nila ngayon, ang Mulawin vs. Ravena.

Ani Joko: “I’m glad, everytime I asked Ma’am Vi to allow me to accept a TV assignment, di siya nagdadalawang-isip na payagan ako. I make sure lang na di maapektuhan ang trabaho ko sa kanya, kapag may taping ako.”

Magandang sideline raw ang mapasama sa isang TV series dahil sa additional income.

Ganun pa man, iba raw kapag may permanente kang trabaho, kung saan buwan-buwan ay may aasahan kang suweldo. First and foremost daw kasi, Joko explained, he is a family man.

Dalawa pala ang kanyang anak, 13 and six, respectively, sa kanyang misis na dating flight attendant. With Angelu de Leon, who is also in Mulawin vs. Ravena, Joko has an 18-year-old daughter.

Lalaki raw ang kanyang panganay, now in his 20s, sa isang former girlfriend na hindi taga-showbiz.

Si Joko ang youngest son ng foremost kontrabida in showbiz na si Paquito Diaz, at ayon sa kanya, bata pa lang siya ay gusto na niyagng sundad ang mga yapak nito.

He has had his time rin naman in showbiz.

Nakagawa rin siya ng mga pelikulang pinagbidahan niya.

Joko doesn’t regret, though, na nag-lay low siya sa kanyang showbiz career. Dahilan sa nangya­ring “pamamahinga” niya sa showbiz, kumbaga, naipagpatuloy niya ang kanyang pag-aaral.

Joko graduated with a degree in business ma­nagement at the Batangas Aca­demy. He and his fa­mily live in Batangas.

Vilma nasa listahan ang pagpu-produce at pagdidirek!

Seryoso, type raw ni Lipa Representative at Star for All Seasons na si Vilma Santos-Recto na pasukin ang pagpo-produce ng indie film at maging director din. Ito ay kapag hindi na siya involved sa politics and decides na maging active again sa showbiz.

Well, for her to star in her own production is not a priority. Although, puwede rin.

If ever, ‘di first time ni Ate Vi na ma-involved sa isang indie production. Umapir na rin siya noon sa indie film na Ekstra, where detalyadong ni-reveal ang ‘’dinadaanan’’ ng isang ekstra sa pelikula o TV, bago siya mabiyayaan ng stardom – if she/he proves lucky.

At Vi’s last movie appearance was in Everything About Her, where she received a Best Actress trophy from the recently concluded Guillermo Mendoza Memorial Awards Foundation.

Produced by Star Cinema, the film co-starred Ate Vi with Angel Locsin and Xian Lim.