Cavs, Warriors seryoso na human sa All-Star

CEBU, Philippines - Human sa NBA All-Star,  giatngan nga mas pakusgan pa sa duha ka leading NBA title contender  Cleveland Cavaliers ug Golden State Warriors ang tagsa-tagsa nila ka  misyon alang sa playoffs.

Angay sab  atngan ang mga dagkung panghitabo sa NBA karong semanaha samtang nagkaduol ang trade deadline nga gikatakda sa Huwebes. Apan ang  Cavs ug Warriors mao gihapon ang sentro sa kalibotan sa NBA kay  giatngan ang matag lakang nga ilang buhaton aron segurong makabalik sila sa finals. Ang Cavaliers nag-una sa Eastern Conference sa ilang 39-16 win-loss record, samtang ang Warriors  sa West nga adunay 47-9 nga baraha.

Si LeBron James nagkanayon nga  suliran nila ang injury, apan mipasumbingay  nga posibleng mohirit sila og mga player deals sa trade deadline tungod  sa pagkawala nila ni JR Smith ug  Kevin Love nga  nanga-injured.

Sa ilang bahin, ang  Warriors  mas gikahadlokan tungod sa presensiya ni Kevin Durant, apan si team captain Stephen Curry miingon nga padayon ilang misyon pagkuha sa NBA title. (BANAT NEWS)