Gerald ayaw pa-pressure sa balikan nila ni Bea

Gusto pa ring makita ni Gerald Anderson si Bea Alonzo kahit naipalabas na ang kanilang pelikula na How to be Yours ng Star Cinema.

Inamin ni Gerald sa isang interview na hinahanap-hanap nito ang ganda at smile ni Bea. Consistent din si Gerald sa pagsasabing si Bea ang nagpapangiti sa kanya. 

Kabisado na rin ng aktor ang mood ni Bea. Isa pa sa nami-miss ni Gerald ay ang pagiging bully ni Bea dahil madalas daw siya nitong asarin lalo na nung sino-shoot nga nilang ang HTBY na nagsimulang ipalabas noong Miyerkules sa mga sinehan.

Pero ayaw pa-pressure nina Bea at Gerald sa tukso ng ibang tao kung magkakabalikan nga sila.

Nagpapasalamat lang si Gerald na hindi pilit ang kanilang bagong friendship at natural ang kanilang nararamdaman sa isa’t isa. Kung ano man daw ang totoong feelings nila ay ini-enjoy lang nila ito. Pero maraming umaasa na mauuwi sa forever ang kanilang pagsasama.