Xian kilig na kilig ‘pag kumakanta si Kim

Type na type raw ni Xian Lim na pinakikinggan si Kim Chiu na inaawit ang kanyang single na Mr. Right, lalo’t kapag binanggit na ni Kim ang linyang, “Ikaw na ba si Mr. Right?”

Feel ba ni Xian, siya na ang Mr. Right ni Kim? Ito ay kung hindi pa official na sila na nga.

Ngumiti lamang si Xian at hindi na sumagot sa aming tanong.

Well, Xian will get the chance na marinig, this time sa kanyang concert, A Date With Xian, on July 9, sa Kia Theater, na inaawit ni Kim ang Mr. Right. Most requested kasi ang song na ito ni Kim, among all the tracks sa kanyang album.

Yes, special guest ni Xian si Kim sa concert kasama si Morissete Amon, among others.

Kris gustong samahan si P-Noy sa pagbaba

Hayan at ‘di nga natiis ni Kris Aquino na wala siya at ang kanyang mga anak na sina Joshua at Bimby, when her brother, P-Noy, leaves Malacañang on Thursday, June 30 (bago mag-noontime).

On that particular time, magte-take over na si Mayor Digong Duterte bilang bagong presidente ng Pilipinas.

Samantala, confirmed na raw ang guesting ni Kris sa talk program ni Marian Rivera na ‘Yan ang Morning. This is her way daw yata para mapasalamatan ang mag-asawang Dingdong Dantes at Marian sa tulong na ibinigay nito kay Vice President-elect Leni Robredo noong eleksiyon.

As we all known, isa sa pinakabonggang financial contributor si Kris ni Vice Leni in campaign fund. Ito’y bukod sa constant appearances niya sa TV, asking for everyone to vote for Vice Leni.

Hindi pa tiyak kung kelan magbabalik-trabaho si Kris.

Ang mga showbiz personalities na nagwagi…

Salve A., allow us to enumerate on this page ang mga showbiz personalities na pinalad manalo last elections:

For senator: Tito Sotto and Manny Pacquiao; Vice Governor: Jolo Revilla (Cavite) and Daniel Fernando (Bulacan); Representatives: Lucy Torres (4th district, Leyte); Alfred Vargas (5th district, Quezon City) and Monsour del Rosario (1st district, Makati); Mayor: Joseph Estrada (Manila); Cristine Gonzales-Romualdez (Tacloban City); Dan Fernandez (Sta. Rosa, Laguna); Herbert Bautista (Quezon City); Lani Mercado-Revilla (Bacoor City) and Richard Gomez (Ormoc City).

Vice Mayor: Andrea del Rosario (Calatagan, Batangas); Provincial Board Members: Alex Castro (4th district, Bulacan); Jestoni Alarcon (Rizal) at Rommel Padilla (Nueva Ecija); Councilors: Jhong Hilario and Rico J. Puno (1st district, Makati); Jomari Yllana, Vandolph Quizon and Roselle Nava (1st district Parañaque City); Charee Pineda (2nd district, Valenzuela City); Anjo Yllana (5th district, Quezon City); Robert Ortega (5th district, Manila); Matt Mendoza (Puerto Prinsesa City); Teri Onor (Bataan); Yoyong Martirez, Vico Sotto and Paul Artadi (Pasig City).

No need to mention who failed to make it, dahil palagi namang may next time, ‘di ba?

Mga ex ni Pauleen loveless pa rin

Inamin ni Senator-elect Win Gatchalian na, at 40 something, loveless siya.

Wala rin daw siyang nililigawan.

But in his younger years, matatandaan nating na-link si Senator Win kay Pauleen Luna, who is now, of course, the better-half of TV and movie comedian, Vic Sotto.

Kung sabagay, na-link din si Pauleen kay Marvin Agustin, who to date, has remained na binata, too. Bagama’t may anak siyang kambal, sina Santiago at Sebastian, na, more or less, 10 years old na.