Naiba ang ihip ng hangin, Claudine at Marjorie magkakampi na uli?!
MANILA, Philippines - Back to normal at nagpaparamdam na naman si Claudine Barretto. Nag-iingay na naman siya na hindi raw fair na pagkumparahin sina Liza Soberano at ang pamangkin na si Julia Barretto. Hmm may nangangamoy na palitan ng aliance na parang sa nalalapit na pagpalit ng administrasyon. Mukhang sina Claudine at Marjorie ang magkakampi ngayon. Parang hindi naman ito pinagdaanan ni Claudine na kinukumpara rin siya nu’ng araw kay Judy Ann Santos.
Kung magkaibigan ngayon sina Liza at Julia, ganoon din naman ang turingan nu’ng araw nina Juday at Claudine. Part talaga ng showbiz na may pinagsasabong na artista lalo na pag parehong sumisikat.
Balitang nagkaroon diumano ng ‘di pagkakaunawaan sina Marjorie at Gretchen dahil sa pag-admire raw ni Gretch kay Liza. Itinuturing daw ni Marjorie na karibal ni Julia si Liza.
Aktres biglang bawi sa pagkukumpara sa akting nina Nora at Vilma
Sa umpukan ng mga kasamahan sa panulat ay naaliw kami sa isang veteran actess sa Pari ‘Koy nang tanungin sa kumpulan ng press kung sino ang mas magaling kina Nora Aunor at Vilma Santos.
Buong ningning siyang sumagot kung sino sa dalawa ang mas magaling hanggang ma-realize niya baka may magalit sa kanya.
Ang pagsasalarawan na lang niya ay natural pa ring umarte ‘yung isa, samantalang ‘yung isa naman ay nahaluan na ng mga method of acting.
- Latest
