Banat ( Leaderboard Top ), pagematch: 1, sectionmatch: 1

Mangunguot

"Pahibalo: Pagbantay mo nianang mosakay og 01K nga PUJ diha sa Colon dapit sa Colonnade padu'ng sa north bus terminal. Daghang mangunguot diha. Bantayi na. Basta tigulang nga lalaki nga magdala og bag. Kun mosakay na sila, anha gyod na sila dapit sa pultahan bisag naa nay galingkod sa may pultahan pasibogon nila. Mao nay ilang modus. Kasagaran tulo na sila magdungan. Bantayi ang ilang lihok." -- 0916-7810446 (Sent: 10:40:30am--September 9, 2008)

Daghang salamat sa imong pahibalo, higalang texter. Hinaot unta nga ang imong text magsilbing pahimangno ngadto sa atong kaigsuonan nga mosakay og jeep, dili lang sa rota sa 01K kondili lakip na sa ubang rota sa PUJ nga masakyan og mangunguot.

* * *

"Good day, Sir. Ngano man ning tigkolekta og basura sa brgy. Pajac, Lapulapu City nga ila man pilion ang ilang kolektahan og mga basura. Kana ra mang mohatag og kuwarta nila maoy ilang kolektahan. Kanyahay rang nagsigeg bagulbol ang mga lumolupyo diri kay ngano kunong pilion ra ang ilang kolektahan og basura." -- 0929-7195095 (Sent: 10:36:20am--September 10, 2008)

Nakakat-on na sab paghimog tinonto ang mga tigkolektag basura kun tinuod man ang pasangil sa atong texter.

Maayo tingaling subayon ni sa nahingtungdan ahensiya sa kagamhanang lokal sa Lapulapu, partikular na sa brgy. Pajac.

* * *

"Kanang fixer sa Mandaue connection gihapon sa taga LTO. Kay ako lang, sa akong pag-renew sa una, basta fixer ang modala sa papel dali ra kaayo mogawas ang imong ngan. Mao nay ilang duwa diha." -- 0918-7432700 (Sent: 09:01:17 pm--September 10, 2008)

Dili lang una ko mokomentaryo mahitungod sa panahom sa atong texter. Entitled siya sa kaugalingon niyang opinion.

Ang akong ikasulti mao nga angay magpakita og maayong serbisyo ang LTO, kanang sistema sa pangalagad nga dili sila kadudahan sa katawhan nga nakigkunsabo sa mga badlongon sa katilingban.

(Sumbong ug reklamo? Text sa 0910-8105522)

  • Follow Us: