81 ka barangay dili pa drug-free?
CEBU, Philippines - Gitataw sa pangulo sa Cebu Provincial Anti-drug Abuse Office (CPADAO) nga dili pa hingpit nga drug-free ang 81 ka mga barangay sa Lalawigan sa Sugbo sukwahi sa pangangkon sa kapolisan.
Matud ni Ivy-Durano Meca ang pangulo sa CPADAO nga ang gobernador maoy adunay gahum nga modeklarar og drug free ang usa ka local government unit ug dili ang PNP.
Siya nagkanayon nga nakig-coordinate na karon ang CPADAO sa Cebu Provincial Police kalabot niini ilabina nga daghan ang ilang nadawat nga negatibo nga feedback human sa maong pagdeklarar sa PNP nga 81 ka barangay ang drug-free diin kasagaran niini anaa sa isla sa Camotes.
Dugang niini nga nahimong rekomendasyon sa gobernador nga una pa modeklarar, kinahanglang magtigum una ang Kapitolyo, PDEA ug ang PNP aron ma-validate.
Apan sumala ni Meca bisan ang 81 ka barangay matud pa wala pa muabot sa buhatan sa Philippine Drug Enforcement Agency, Police Regional Office-7 ug bisan sa buhatan sa gobernador.
Gitataw ni Meca nga bisan ang mga kapitan sa barangay nga una nang gideklarar nga drug-free wala makahibalo sa ilang himoon.
Matud pa nga kinahanglan nga magiyahan pa ang mga barangay sa mga angay himoon ilabina kun ang usa ka LGU madeklarar na nga drug free.
“Especially nga once cleared na ang barangay all the more nga double time ang effort sa BADAC kay they have to protect their barangay kay cleared na gud sila so all the more they will focus on demand reduction, on the protection nga side” matud ni Meca. - /DILT (BANAT NEWS)
- Latest
