Malaysian, timbog sa 4.6 kilo ng cocaine
MANILA, Philippines – Natimbog sa Ninoy Aquino International Airport(NAIA) Terminal 1 ang isang Malaysian national na nakuhanan ng 4.6 kilos na high-grade cocaine na nakasiksik sa mga lata ng tsokolate matapos itong dumating, kamakalawa ng gabi.
Kinilala ni Manila International Airport general manager Ed Monreal, ang suspek na isang Nasiruddin Bin Mohammad Hasnan, 22.
Ayon kay Monreal, nakuha ang mga kilo-kilong cocaine na nakalagay sa 216 pirasong malalaking chocolate pellets.
Sinabi ni NAIA Monreal, na mino-monitor na sa airport ang pagdating sa bansa ng suspek.
Bago ikinasa ang operasyon, nakatanggap ng tip ang DITG mula sa United States Drug Enforcement Agency hinggil sa pagdating sa bansa ng isang drug courier lulan ng Ethiopian Airlines flight ET628.
Ang suspek ay inilipat sa PDEA para sa isang masusing imbestigasyon at sasampahan ng kaukulang kaso sa Pasay City Prosecutors Office.
- Latest
