Dayo na bebot, itinumba
MANILA, Philippines - Dead-on-the-spot ang hindi pa nakikila-lang babae nang pagbabarilin ng riding-in- tandem sa Singalong St., Malate, Maynila, kahapon ng madaling araw.
Inilarawan ang biktima sa edad na 22 hanggang 26, nasa 5” ang taas, balingkinitan, morena, na nakasuot ng blouse na itim at shorts na maong, itim na sapatos. Nagtamo ito ng maraming tama ng bala sa mukha at katawan.
Hindi pa tukoy ang pagkilanlan ng mga suspek na tumakas sakay ng hindi naplakahang motorsiklo.
Sa ulat ni SPO3 Milbert Balinggan ng Manila Police District-Homicide Section, dakong alas-12:15 ng mada-ling araw nang maganap ang pamamaril sa madilim na bahagi ng Singalong St., malapit sa panulukan ng Quiri-no Avenue.
Hindi umano kilala sa lugar ang biktima, ayon sa nakasasakop na si Chairwoman Catherine Gotoc, ng Brgy. 688, Zone 75.
Hindi naman tina-ngay ng mga suspek ang dalang paper bag ng biktima na may laman na iPhone 6, make-up, susi, panyo at P290 cash. Maging ang bag ay butas sa tama ng bala, subalit may ilang gamit umanong kinuha sa biktima ang mga suspek bago tumakas.
- Latest
