Iginiit sa Chinese officials... ‘Scarborough amin yan! - Digong
MANILA, Philippines – Sa pagdalaw kahapon ni Pangulong Rodrigo Duterte sa mga biktima ng bagyong Lawin sa Cagayan ay inihayag nito sa mga tao doon na sa pakikipagpulong niya sa mga Chinese officials kabilang si President Xi Jinping ay iginiit na sakop ng teritoryo ng Pilipinas ang Scarborough Shoal.
Tiniyak ni Pangulong Duterte na maibabalik na sa lalong madaling panahon ang karapatan ng mga Pinoy na makapangisda sa pinag-aagawang Scarborough o Panatag Shoal sa West Philippine Sea matapos ang pakikipag-usap sa mga opisyal ng China nitong nakalipas na linggo.
“Ang China ang sabi nila amin ‘yan. Sabi ko amin man din ‘yan,” wika pa ni Pangulong Duterte kahapon sa Tuguegarao, Cagayan.
“Ang pagkaalam ko pinaalis na rin niya (Xi) iyong mga Chinese na fishermen para wala nang makita diyan. Iyon ang pinag-usapan namin,” paliwanag pa ng Pangulo.
“We will just wait for a few more days, baka makabalik na tayo doon sa Scarborough Shoal.. [sa] pangingisda ng ating mga kababayan,” dagdag pa nito.
“Wala po kaming pinag-usapang armas, wala kaming pinag-usapang giyera giyera. Pinag-usapan namin paano tayo magtutulungan. We will just wait for a few more days, baka makabalik na tayo doon sa Scarborough Shoal, sa pangingisda ng ating mga kababayan,” wika ni Pangulong Duterte.
Magugunita na nagtungo si Duterte sa China para sa kanyang 4-day state visit mula October 18-21.
Ipinagmalaki rin ng Pangulo na naging matagumpay ang kanyang biyahe sa China kung saan ay aabot sa $24bilyon na soft loans at investment ang nakuha ng bansa.
- Latest
