Duterte sayo pa nga husgahan
CEBU, Philippines - Sayo pa nga husgahan si Presidente Rodrigo Duterte sa iyang mga nahimo sa nasud.
Kini ang gipadayag ni Archbishop Jose Palma dihang gikuhaan og pasiunang pamahayag labot sa ikaduhang State of the Nation Address sa Presidente karong Lunes.
Matud ni Palma nga adunay daghan aspeto nga mahisgutan unya sa SONA sa Presidente ilabi na ang maayong nahimo niini may kalabutan sa gubat batok sa ilegal nga drugas.
Dugang sa Arsobispo nga sayo pa kaayo nga husgahan ang Presidente sa iyang usa pa lang ka tuig kapin nga paglingkod ilabi na nga aduna usab kini maayong nahimo.
Sumala pa ni Palma nga mas maayo nga paaboton unsay maayong tubag sa Presidente sa pagsulbad sa mga problema sa nasud nga naa gihapon ang drugas ug uban pa nga mga hagit niini sa iyang administrasyon. - /GMR) (BANAT NEWS)
- Latest