‘Kuyog sa CA’
Nakahanap ngayon ng katapat ang mga nasa industriya ng pagmimina.
Kung dati walang pakundangan nila kung bastarduhin at halayin ang kalikasan kortesiya ng mga nakaraang administrasyon, ngayon may isa nang Rody Duterte na sabi nga nila “tarantadong” Presidente. Kayang salitain ang kanilang lengguwahe at tapatan ang kanilang mga katarantaduhan.
Pero itong mga bumubuo sa Commission on Appointment nakikipagsubukan. Pilit hinaharang ang inilagay ng Presidente sa DENR.
Kuyog style. Akala siguro nila ganun lang nila kadaling bastusin ang Presidente. Kung nagawa nilang ilaglag si Yasay sa DFA, magagawa rin nila ito kay Gina Lopez.
Hindi nila direktamenteng masabi kay Duterte ayaw nila sa pobreng ale dahil gusto nila tuloy lang ang kanilang mga katarantaduhan.
Wala namang masama sa pagmimina. Basta importante, responsable. Kung nagagawa ng iba ang responsible mining, bakit ang iba hindi?
Alam at naaamoy ng Presidente, kaya malalakas ang loob ng mga humaharang kay Lopez dahil may mga katsokaran sila sa CA.
Hindi si Lopez ang kinakalaban ng mga sumusuring myembro ng CA. Si Duterte ang kanilang target kasi ayaw nila sa “tarantadong” Presidente.
Dapat sa mga bumubuo ng CA gisahin din isa-isa. Harap-harapang kilatisin kung sino ang may integridad na umupo dyan at may mga pinangangalagaang interes at motibo.
Hindi n’yo trabahong magsuri kung sino ang mga karapat-dapat umupo sa gobyerno o hindi. Gumawa na nga lang kayo ng batas mga putok sa buho!
Abangan ang BITAG Live araw-araw na sabay na napapanood at napapakinggan tuwing alas 10:00-11:00 ng umaga sa Radyo5 92.3 News FM at AksyonTV. Para sa mga palabas ng BMUI, mag-subscribe sa BITAG OFFICIAL YouTube channel.
- Latest
