DU30 hindi sinuhulan ng Mighty
MANILA, Philippines - Mistulang ‘fake news’ o ‘wow mali’ ang lumabas na balitang tinangkang suhulan ng may-ari ng Mighty Corporation si Pangulong Rodrigo Duterte.
Ito ang nilinaw kahapon ni Chief Presidential Legal Counsel Salvador Panelo na ang nangyaring insidente ay may ilang taon na ang nakalilipas noong mayor pa lamang si Duterte sa Davao City at hindi rin ito suhol kundi regalo lang kay Duterte.
“Regalo sa kanya, pero pera. Actually hindi naman bribe, parang regalo lang,” dagdag ni Panelo.
Magugunitang unang sinabi ni Panelo na nakuwento ni Pangulong Duterte na nagpadala ng package ang Mighty Corporation na inakala daw nilang alak pero nang buksan ni Special Assistant to the President Bong Go ay bulto ng pera kaya pinahabol hanggang sa airport sa Davao.
Inamin din ng pangulo na hindi siya naniniwalang suhol o bribe kundi gratis o pasasalamat.
- Latest
