Graduating stude ni-rape slay

TUGUEGARAO CITY, Cagayan - Isa pang dalagang graduating student ang natagpuang patay at pinaniniwalaang hinalay sa pampang ng ilog sa Barangay San Antonio, Bangued, Abra kamakalawa. Kinilala ni Sr. Insp. Marcy Grace Marron, tagapagsalita ng PNP Abra ang biktima na si Criza Quezada Libuen 22 na Education Student ng Abra State Institute of Science and Technology sa Bangued. Dalawang tama ng boga sa ulo ang tinamo ng dalaga mula sa cal.45 base sa dalawang basyo na nakita sa crime scene. Isinailalim pa sa awtopsiya ang bangkay upang makumpirma ng nagahasa nga ang biktima bago pinatay. Nauna rito, noong Sabado ay nadiskubre rin ang bangkay ni Jackielyn Mandac sa gitna ng maisan sa Cabagan, Isabela. Kinumpirma ng pulisya na hinalay muna bago pinatay sa palo si Mandac na isang graduating Agri-business student sa Isabela State University. ?