MPD police sasanayin vs illegal drugs
MANILA, Philippines - Tahasang sinabi ni Manila Mayor Joseph Estrada na malaki ang maitutulong ng pagdating ng mga instructor mula Los Angeles na magsasanay sa mga pulis ng Manila Police District upang masugpo ang illegal na droga.
Ayon kay Estrada, oportunidad na ito para sa mga pulis na pagbutihin at magkaroon ng dagdag na kaalaman para sa tamang sistema na pagsugpo sa talamak na illegal drugs.
Hindi lamang umano dapat na awareness ang ipinatutupad kundi ma-ging ang tamang implementasyon nito upang mas madaling makamit ang layuning drug free ng lungsod.
Sinabi naman nina Scott Williams at Jeffrey Smith na kapwa instructors mula DARE-US, ‘passion’ nila na makatulong sa mga kabataan kung saan bagong module at technique ang kanilang gagamitin upang makaiwas sa ipinagbabawal na gamot.
Para naman kay Dr. Antonio Abacan, Jr. Pangulo ng DARE Philippines, maraming bata na nasa grade 5 at 6 ang ‘curious’ sa iligal na droga kung kaya’t mas dapat na magkaroon ng sapat na kaalaman hinggil dito.
Pinag-aaralan pa rin naman nila kung hanggang saan maaaring ipatupad ang training ng mga pulis bilang suporta sa kampanya ni Pangulong Rodrigo Duterte laban sa droga.
- Latest