Love story

Dear Banat News,

Hello sa tanang readers sa Banat News tawga lang ko og Monina, 27 years old ug nagtrabaho isip call center agent.

Dili gyud masipyat og palit og Banat News basta Martes, kay permi gyud ko mag-atang sa Love Story.

Lima  ka buwan nako nga single ug naka-move on nako sa akong last boyfriend nga si Christopher, 27 years old nga supervisor sa usa ka coffee shop.

Ako lang i-share ang kaagi namo sa akong katapusang nauyab. Nagkaila mi ni Christopher  tungod  kay classmate sila sa ako amigo ug nagkadungan mi og jam sa Mango.

Gipailaila ko sa akong amigo ngadto kang Christopher, nagpinangayoay og number hangtod nagkasuod gyud.

Sweet kaayo siya og tineksan maong maganahan sad ko mo-reply niya.  Makilig na man hinuon ko niya  kay kusog kaayo magpa-cute sa text.

Sa wala madugay nidiskarte siya nako ug ako siyang gisugot kay naganahan ra man sad ko niya.

Grabe kalami sa dagan sa among relasyon ug pareho ming duha nga mahiligon kaayo og bakasyon.

Nasuroy na   namo ang Ilocos, Baguio, Palawan, Siquijor  ug Dumaguete nga maoy permi namo nga laagan.

Basta maghisgot gani og Dumaguete, si Christopher ang akong mahinumdoman  kay ganahan kaayo siya sa maong place.

Dunay time, katung grabe kaayo ang among away nilarga gyud siya og Dumaguete nga siya rang usa para daw siya mo-relax.

Usa sa awayan namo permi mao ang pagkabakakon ni Christopher.   Pag-abot og usa ka tuig sa among relasyon mura na man siya og nausab uy.

Nakadungog ko og tsismis nga dunay lain si Christopher pero nagpabungol-bungol ra ko kay dili nako madawat nga mawala siya nako.

Kadaghan na nga higayon nga dili siya magpaulos sa iyang cellphone.  Wala nako mahimutang niadto kay klaro kaayo nga naa siya’y  gitago kanako.

Aron  dili mi mag-away og maayo ako ra gihapon nagpaubos, laktod pagka-estorya martyr nako.

Naabot gyud ang time nga wala na siya’y gana nga makigkita nako ug klaro na kaayo nga duna siya’y gikalingawan nga ubang babaye.

Sakit kaayo, sige lang ko hilak ug niana pa gyud siya nga may pa magbuwag na lang mi kay wala na siya’y love nako.

Wala man unta ko’y sala pero iyaha kong gibiyaan.  Wala ko’y mahimo iyaha man kong gibuwagan kutob na lang ko sa paghilak.

Tulo ka adlaw sukad sa among pagkabuwag duna na siya’y photos  nga gi-upload sa FB, katupad ang girl ug sweet kaayo sila.

Ingon ana kabaga ang nawong ni Christopher, naka-move on nako karon pero dili nako ganahan makig-friend kaniya tungod sa iyang gibuhat. Mo-request lang ko sa lyrics ug chords sa Parting Time by Rockstar.

Hi Monina! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News