Banat ( Leaderboard Top ), pagematch: 1, sectionmatch: 1

Gihimong panakip-butas?

In a relationship ko karon ug 2 months na mi sa akong uyab. Duha na mi ka buwan sa among uyab pero ang last relationship niya sa wala pa nagka-kami kay 2 months pud. So nauyab na nako siya bisan og bag-o pa sila nagbuwag sa iyang ex. Mo ingon siya nako nga naka- move on na siya sa iyang ex.

Moingon siya nga wala na sila nag-istorya sa  iyang ex.  Moingon pud siya nga naa na daw bag-ong uyab ang iyang ex. Nitoo ko at first, apan nausab kini sa dihang  akong nakit-an ang  iyang social media apps. Naka log-in pa sa iyang phone ang mga accounts sa iyang ex maong nagduda ko. Then nakita nako nga ga-text ug tawag pa diay silang duha. Unsaon man nako pagkahibaw nga wa pa siya ka move on sa iyang ex? Naa ba ka’y signs nga mahatag nako? — Cherry Lou

* * *

Lisod ma-in love sa tawo nga wa pa ka-move on sa iyang past relationship. Sakit kaayo mahimo’ng band aid. Sakit mahimong panakip-butas. Lisod kaayo kung ang imong karibal kay ang iyang ex labaw na og nagdugay gyud sila’ng duha. Naa ko’y mga pangutana para nimo, aron ikaw na mismo makatubag kung ang imong ex naka-move on na o wala pa. Una, kung mo-mention siya sa iyang ex nimo, unsaon man niya pag ingon?

Mag-star star ba iyang mata everytime ma-mention ang ngalan sa iyang ex? Kung ma-feel nimo nga naa pa gihapon ang iyang affection every time mo-mention siya’s iyang ex, posible nga attached gihapon na siya.

Pero kung mo-mention siya sa iyang ex nga wala’y kasuko, nga wala’y pagmahay, usa na’s mga signs nga naka-move on na gyud siya. Ikaduha nga pangutana, paspas ra ba kaayo ang mga panghitabo? Kay kung bag-o pa mo nagkaila, unya nanguyab siya nimo diritso ug nagkauyab dayon mo, dilikado na. Kay ang mga heartbroken, sila tong gusto magdali.

Ganahan makakita og bag-o diritso aron maka-move on. Ganahan manggamit og laing tawo aron makalimot sa ilang mga ex. Kung makahibaw ka nga wa pa siya ka move on sa iyang ex pero makita nimo nga naa mo’y chemistry duha, hatagi siya’g space. Ayaw siya pugsa.

Pwede nimo siya ma-keep sa imong kinabuhi pero ayaw lang ka-attach sa tawo nga emotionally unavailable. Masakitan ra ka. Huwat na lang sa panahon nga ma-ready na mo’ng duha.

  • Follow Us: