Salapi nga di hinagoan
Miss, wa ka bay delikado masuspenso sa trabaho? Kun sobra imong mahatag sa nagpa-cash of tseke?” sukot sa hamtong lalaki nga sayisintahon na ang hitsura crew cut ang tupi.
Niduol ang lalaki ni Rose, teller sa Green Meadow Commercial Bank. “Ma-short ko ini’g inbentaryo sa akong cash on hand. Minusan akong sweldo sa short,” ni Rose nga medyo gikulbaan. Bag-o lang niabli ang banko. Untop alas nuybe sa buntag pagsulod sa lalaki.
“Niay usa ka libo. Iuli nako nimo. Aron di ka ma-short” sa lalaki. Mapahiyomon. Nanigang mga mata ni Rose. Nahinumdum na siya nga kining tawhana nagpa-cash og tseke gahapon. Nahinumduman niya ang ngalan sa payee sa tseke Atty. Glen Castro. Singkwenta mil ang balor sa tseke. Paspas si Rose nga niihap sa kuwarta kay gigutom na siya.“Pwede ra man unta di nimo iuli, sir. Di na man na ma-trace kun kinsa akong nahatagan og sobra” ni Rose. Nagpahiyom nga nidawat sa papel de banko. “Kadaghan na ko kapunit og kuwarta daplin sa karsada. May P500. May P1000. Akong gigasto, kay wa may kaulian. Pero sa sipyat nimo gahapon, nasayod man gyud kos kaulian. Busa ako gyung giuli. Kay gaduda sab ko kun gisuwayan lang ko,” sa abogado.
“Wa tika suwayi, sir. Pero karon, nasuta na gyud nako nga duna pa gyud diay matawag nga honest lawyer. Nganong gibuhat man ni nimo, sir?” ni Rose.
“Nakabasa ko’g panultihon nga nag-ingon nga kun makadawat ka’g kuwarta nga wa nimo hagoi, duna say maghago nga di kadawat og kuwarta. Di ko gustong mahitabo na. Labi na, nga duna koy duha ka anak babaye. Puro teller sa banko,” sa abogado.
“Ha ha ha ha ha. Mao diay! Salamat kaayo, sir” ni Rose. “Way sapayan. Ug dugang pa gyud, karong tuiga 60 na akong edad. Akong birthday karong Disyembre. Duna koy librong gisulat. Akong i-launch sa akong birthday. Ang ulohan. “Balaang Kamatuoran” batay sa Bibliya” sa abogado. “Tagpila, sir?” ni Rose. “Libre. Kay ang kamatuoran gikan sa Bibliya, dili angay ibaligya” sa abogado. (Kataposan)
- Latest
