Nganong nakaila pa man tika?
Usa ka adlaw niana, nakaila taka,
ug sa walay pagduha duha,
nahigugma dayun ako kanimo.
Sa sunod nga mga adlaw,
nagkasuod kita, nahimo tikang amigo
amigo nga gihandum nga ma uyab
Pipila ka adlaw niana
nahibal-an na lang nako
nga ikaw may lain na diay,
Nganong nakaila pa man tika?,
kun igo ra ko nimo pakataw-on?
kun igo ra ko nimo pakiligon?
unta sa inyong panag-uban, permanente ka lang malipay
Busa ako na lang dawaton
bisan unsa pa man na kasakit
bata pa ako ug daghan pa'g pangandoy
maong unya na lang ko anang gugma
kay moabot ra na sa tukmang panahon.
#HUGOT
Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan? Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!
Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.
Ipadayag ang imong HUGOT sa gugma! Ipadala pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:
HUGOT BALAK
C/o Banat News V. Gullas St., cor. D. Jakosalem St.
Barangay Santo Niño 6000,
Cebu City, Philippines
- Latest