Babaye giawayan
Dear Tita Salie,
Hi! I’m Albie Navarro, 20. My problem is about my lovelife. Duna ko’y uyab karon nga may kanhi kapuyo before, dili sila kasal apan duna sila’y mga anak. Nasayran sa iyang kanhi kapuyo nga nag-uyab-uyab siya ug nasakpan g’yud kami nga nagkuyog. Nagkasinumbagay g’yud mi. Unsa may maayo ko nga buhaton Tita Salie? Palihug pasabta ko.
* * *
Hello Albie,
Sa tinuod lang, wala gayud motugot ang Diyos sa ingon niini nga kahimtang. Tungod kay ang Diyos nagtinguha nga ang katawhan makabaton og kalinaw. Duna pay panahon sa pagkaplag niini nga kalinaw. Nahisama kini og usa ka barko nga milawig bisan nasayod siya nga bati ang panahon, bi kinsa man ang mabasol? Dili ang panahon, dili usab ang barko, kondili ang kapitan sa maong barko. Itandi kini sa imong kahimtang, ibutang nato ang barko mao ang babaye, ang bati nga panahon mao nga iyang gubton nga kahimtang, unya ang kapitan ikaw. Gisugal nimo ang panahon niana’ng kahimtanga nga unta duna pa may daghang panahon alang niini. Ang kasulatan (Ecclesiastes 3:18) nagaingon “Adunay panahon alang sa tanang butang. Panahon sa paghigugma ug panahon sa pagdumot, panahon sa gubat ug panahon sa pakigdait.” Pangitaa kini’ng panahona sa pakigdait, kay imo gayud kini nga makaplagan. - Tita Salie
- Latest