Kanunay mohangyo’g sex

Dear Tita Salie,

Hello! Mangayo ko’g advice kay naglibog na g’yud ko sa akong sitwasyon karon. I’m Ms. Z, 18 years of age, dalaga. Ang akong problema about sa boyfriend nako nga kanunay mohangyo nga mag-sex kuno mi apan wala g’yud ko magpadala sa iyang hangyo. Unsay maayo ko’ng buhaton, Tita Salie? Palihug pasabta ko.

Hello Ms. Z,

Good day. Ang pakighilawas maoy usa ka paagi sa pagsanay nga gasa sa Diyos ilabi na sa tawo. Wala niya kini ihikaw sa lalaki ug babaye basta sila’ng duha nabugkos na sa kaminyoon. Gusto sa Diyos nga kalipayan nimo ang pagpakigsekso sumala sa iyang katuyoan niini para lang sa mga minyo nga dili ka mabalaka, mahadlok, ug magbasol sa resulta sa pagpakighilawas. Kun ang pakigsekso gibuhat sa lalaki ug babaye nga dili pa minyo, kini maoy lingawlingaw lang ug dili katuyoan sa Diyos.

Ang Bibliya (1 Corinto 6:9, 10) nag-ingon nga “Ang pakighilawas nga dili pa minyo maoy bug-at kaayo’ng sala kay kadto’ng nagahimo niini dili makapanunod sa gingharian sa Diyos.”

Tita Salie