Barkadista

Dear DJ Jacky G.,

Minyo na ko, may anak apan barkadista gihapon ko.  Sa among mga laag-laag kauban ang akong mga barkada nakaila nako si Nam-Nam.  Nagka-uyab mi Jacky.  Kahibawo ko nga dako’ng sayop ang akong gihimo.  Nakonsensya na g’yud ko. Mao nga gusto na nako kini nga undangon ug ako siya’ng buwagan. Maka-move-on ba kaha ko? - Miz Salad

Dear Miz Salad,

Kinsa man g’yud ang mas bug-at sa imong kasing-kasing? Imong bana ug anak, o si Nam-Nam? Dili ang pag-move-on ang imong problema.  Kay halos tanan, maka-move-on man ug desidido lang g’yud. Ang tinuod nga problema kay ang relasyon nimo sa imong bana. Naa pa ba ka’y gugma para niya?  In-love pa ba siya nimo? Happy pa ba mo sa inyong relasyon?  Nganong sige man gihapon ka’g laag?  Nganong nangita pa man ka’g lain?  Unsa man g’yud ang problema sa inyong kaminyuon?  Is your family worth saving? Niangkon ka’ng sayop ka ug nakonsensya ka sa imong gibuhat. Apan ang imong pangutana kon maka-move-on ba kaha ka pananglit buwagan nimo si Nam-Nam. You are obviously torn. You want to do what’s right pero nahadlok ka’ng di ka magmalipayon sa imong desisyon.  Miz Salad, pangitaa ang tinuod nga hinungdan sa imong kadiskuntento.  Address the real issue. Tanang problema, mapangitaan og solusyon. I-ampo nga malamdagan ka. – Jacky G

Kon gusto ka nga ma-feature sa DDJJG, i-like akong FB fanpage ug i-private message ang imong problema sa:  www.facebook.com/djjackyg and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!