Too long

Dear Tita Salie,

Have a great day. I really admire the way you gave your advice to the people who love to share their problems with you. Ganahan kaayo ko mobasa, Tita, og Banat News since mag-enjoy man sa inyong mga sinulat.

By the way, just call me Christopher, still single and my problem is all about love. Bag-o lang ko nga na brokenhearted.

Naa man gud koy naamiga nga tagoon lang nato sa name nga Steffany. Steffany has a boyfriend but wala dinhi karon because naa man sa abroad nag-work. And according to Steffany it’s too long to wait sa iyang bf kay two years man ang contract niini.

That is why when I courted her, gidawat dayon niya ang akong love ug nagkauyab mi. Wala ko mag-expect nga willing pud siyang ihatag ang iyang pagkababaye ngari kanako. I really love Steffany, Tita, but I really don’t know nga two days after dihang may nahitabo tali namo nakig-break man siya nako.

Gisakitan ko, Tita, kay love man nako siya. Unsa may akong buhaton? Palihug pasabta ko. Thank you very much and God bless.

* * *

Hello Christopher,

Ang usa’g-usa kanato dunay katungod alang sa atong kaugalingon nga desisyon. Kun nabuhat ni Steffany nga sugton ka bisan pa man kun duna na siya’y hinigugma tungod kay siya ang masunod ug siya ang mas nasayod kun unsay gusto niya.

Kun nabuhat niya nga bulagan ka bisan pa man kun duna nay nahitabo tali kaninyo wala kita’y mahimo niini kay mao man kini ang iyang gusto. Tingali duna lang siya nakit-an nga hinungdan kun nganong iya kang gibulagan.

Angay lang nimong dawaton nga dili tinuoray ang iyang gugma diha kanimo. Tingali kun gusto lamang niyang malingaw, mawagtang ang kalaay sa iyang pagpinaabot sa iyang uyab maong nipatol una siya kanimo.

Nasayod ko nga gisakitan ka ug nasayod usab ako nga dili pa kini lisod alang kanimo nga dawaton tungod kay bag-ohay pa man ang inyong relasyon.

Busa padayon, tungod kay aduna pay daghang nindot nga moabot sa imong kinabuhi.

-- Tita Salie