Wala man ang akong papa

Kini ang gilitok kanako sa usa ka batan-on nga mo move up na ngadto sa laing hugna sa pagtuon. Nilugmaw ang mga luha sa iyang mga mata kay mag-unsa man tuod ang iyang nakab-ot nga kalamposan kun wa ang iyang ginikanan nga mo-appreciate niini. Ako siyang giingnan: “ayaw kabalaka kay atong saulogon ang imong moving up sa yano nga kasaulogan.” Nipahiyom siya tingali nalipay sa gitanyag kaniya. Apan ang maong kasinatian nagpahinumdom kanato nga unta di kita mamahimong tihik diha sa paghatag sa atong pagdason ug pagdayeg sa mga ginagmay nga kalampusan sa usa ka tawo. Inspirasyon kini aron siya maningkamot ug maninguha aron mamahimong mas molampos pa gyud sa mga tinguha.