Sustainable tourism hisgutan sa DETOUR

CEBU, Philippines - Ipahigayon ugmang adlawa ang tourism summit nga gitawag og “DETOUR” nga  gipasiugdahan sa Cebu Provincial Tourism Office diin tambungan kini sa 300 ka tourism policy makers sa Sugbo ug himoon kini sa Mountain Wing Atrium sa SM Seaside City.

Matud ni Joselito “Boboi” Costas,  ang Cebu Provincial Tourism Officer nga ang maong summit gitawag og DETOUR kay hisgutan unya ang mga isyu sa turismo ilabi na kun unsaon kini nga mahimong sustainable.

“Tourism is there to stay. The head of office may come and go. So, we have to make tourism sustainable,” matud pa ni Costas atol sa AGIO-7 forum.

   Dugang niya nga ang Cebu isip usa ka isla, daghan kini og mga isyu nga giatubang sama sa dependence on tourism, fragile ecosystems, limitado nga geography ug resources ug complexities sa planning, development ug management.

Ang DETOUR kun Development+Environment+Tourism, adunay tema nga “Disrupting Cebu’s Tourism: Taking the route to Sustainability.

 “DETOUR is a response to United Nation’s call to harness sustainable tourism for development. It is also a prelude to the Island Tourism Forum to be held in Cebu in September this year,” matud pa ni Costas. Ang CPTO niduyog sa 2017 nga selebrasyon sa UN World Tourism Organization isip International Year for Sustainable Tourism for Development nga nagtinguha sa pagsuporta sa kausaban sa mga polisiya, business practices ug consumer behavior alang sa sustainable tourism sector. (BANAT NEWS)