Mister Lulong sa Droga
Dear Vanezza,
Mas maganda ang trabaho ko kumpara sa aking mister na maliit lang ang suweldo. Pinag-usapan namin na mag-resign siya sa trabaho para siya na lang ang magbantay sa dalawang anak namin pagkagaling niya sa pasada ng van. Pero ibang nangyari dahil nagkaroon siya ng masamang barkada at bisyo. Balewala ang aking suweldo at magandang bahay dahil sa pagkakalulong ng mister ko sa droga. Ngayong nawala na ang tokhang ay bumalik na uli siya sa pagdodroga na hindi ko na makayanang dalhin ang problema. – Maimai
Dear Maimai,
Makatutulong ang rehabilitasyon lalo na kung ikaw ay may sapat na panggastos. Para tuluyan siyang mapagamot sa kanyang pagdodroga. Kung maaari rin ay ilipat mo siya ng ibang lugar kung saan malayo sa kanyang barkada. Huwag sumuko kundi tulungan ang asawa na makaahon sa pagkakaalipin sa droga.
Sumasainyo,
Vanezza
- Latest