Nag-atang ang projects

CEBU, Philippines - Ubay-ubay na ka mga proyekto ang nag-atang alang kang    Paolo Ballesteros sukad kini napili nga best actor sa  26th Tokyo International Film Festival alang sa  pelikula niya nga Die Beautiful.   Nasayran nga ang Regal Films maoy mo-release sa pagpasalida sa maong pelikula dinhi sa Pilipinas.

Supportive ang mga anak

Gibutyag ni Sunshine Cruz nga suportado siya sa iyang mga anak kalabot sa iyang bag-ong lovelife.  Ang negosyante nga si Mackay Mathay maoy bag-ong  hinigugma. “Masaya ako at masaya ang mga anak ko para sa akin,” matud pa ni Sunshine.

Gabbi midayeg kang Karylle

Tsika pa ni Gabbi Garcia nga buotan og sweet kaayo nga pagkatawo si Karylle sa dihang nagkaabot sila niini sa special gathering sa mga karaan ug bag-ong casts sa pantaserye nga Encantadia.  Midala si Gabbi isip Alena nga unang gidala kaniadto ni Karylle.

Karel nakahilak  

Wala malikayi ni Karel Marquez nga makahilak sa dihang nagtan-aw siya  sa pre-wedding video nila ni Sean Fariñas.  Suma pa nga naghisgot kini sa ilang kinabuhi ug lakip na sa mga pagsuway nga ilang naagian.

Bisita sa apo

Gibisita nila ni   Vic Sotto ug  Pauleen Luna ang ilang apo nga si Marvic sa miaging adlaw. Malipayon kaayo si Vic pagkakita niya sa maong bata. Mao kini ang ikaupat nga anak nila ni Oyo Sotto ug Kristine Hermosa.

Pakpak  alang sa Ma’ Rosa

Gikatahong nakakuha og distribution deal  ang Pinoy film nga Ma’Rosa sa First Run Features, ang independent distributor nga nagbase sa New York.   Giingong ilado kaayo ang maong distributor sa maong dapit gumikan kay  maka-release kini og 12 ngadto sa 15 ka mga pelikula matag tuig.

Nakasuway na

Giangkon ni Allen Dizon nga panahon sa iyang kabatan-onan, nakasuway na pud siya nga nakapangabang og prostitute. Mao kini ang tipik sa mga kalingawan niya sa una uban sa iyang barkada.   Nahisgotan kini gumikan kay naghisgot sa istorya sa prostitute  ang pelikula nila ni Ai Ai delas Alas nga Area.

Tradisyon ni Ryza

Sukad nahimong artista, naandan na gyud ni Ryza Cenon nga manghatag og mga pagkaon sa mga kabos kung magsingabot na ang Pasko. Suma pa ni Ryza nga motikang gyud siya sa pipila ka mga kadalanan aron manghatag og gasa.

Ambot kanus-a

Gitataw ni  Maris Racal nga wala pa siya’y ideya kung kanus-a ang play date sa pelikulang  Vince and James and Kath (VKJ) .  Nalakip usab sa maong pelikula sila si Joshua Garcia, Ronnie Alonte, ug Julia Barretto. Matud pa ni Maris nga nahuman na ang shooting sa maong proyekto.  Matud pa nga unahon  pa sa  Star Cinema ang pagpasalida sa The Unmarried Wife nila ni Angelica Panganiban , Paulo Avelino ug Dingdong Dantes.

Salig sa kaugalingon

Tsika pa sa usa sa mga sakop sa Hashtags nga si  Jameson Blake nga nisamot ang pagsalig niya sa iyang kaugalingon sukad siya nahimong miyembro sa maong grupo. Giangkon ni Jameson nga wala kaayo siya’y salig kaniadto sa iyang talento.  (BANAT NEWS)