Sambag 1 may ambulansiya na

CEBU, Philippines - Nakaangkon na og ambulansiya ang Barangay Sambag 1 gikan sa kagamhanan sa Dakbayan sa Sugbo pinaagi sa Barangay Mayor’s Office.

Ang BMO gipangulohan sa asawa ni Konsehal Jerry Guardo nga si Ailien kinsa bag-ohay lang nakig-alyado kang Mayor Tomas Osmeña.

Matud ni Ailien nga pila na ka tuig ang nakalabay nga ang barangay wala gyud nakaangkon og ambulansiya ug kini ang labing unang higayon.

Apan ang ambulansiya dili pa magamit sanglit wala pay mga tawo nga modumala niini.

Si Jerry niingon nga karon nga alyado na siya sa administrasyon mas daghan pa ang serbisyo nga mahatag ang siyudad dili lang sa Sambag 1 apan lakip na sa ubang barangay. (BANAT NEWS)