Hepe ng 2 ‘kotong’ cops, sinibak sa pwesto
MANILA, Philippines - Tuluyan nang sinibak sa pwesto ni Quezon City Police District director Chief Supt. Guillermo Eleazar ang dalawang pulis na naaktuhang nangongotong sa motorista habang nagsasagawa ng random smoke-belching tests. Kasama rin sa sinibak sa pwesto ang kanilang immediate supervisor dahil sa command responsibility.
Ayon kay Eleazar, ang mga sinibak na pulis ay sina SPO2 Raul Nadera at PO3 Anthony Tecson na kakasuhan ng robbery extortion at dagdag na kasong illegal possession of firearms and ammunition na isasampa kay Tecson sa nakuha ritong walang lisensiyang baril .
Sibak din sa pwesto si SPO4 Redentor dela Cruz Fajardo, hepe ng Motorcycle Unit ng District Traffic Enforcement Unit na superior ng dalawang kotong cops.
Sinabi ni Eleazar na iniimbestigahan na ng tanggapan kung alam ni Fajardo ang modus operandi ng dalawang tauhan nito.
Sinabi pa nito na ang tatlo ay nailipat na sa District Headquarters Support Unit pero nairekomenda na kay NCRPO chief Oscar Albayalde na mailipat ang tatlo mula QCPD sa NCRPO habang binubusisi ang kanilang kaso.
Anya, ang 9 na tauhan ng QC Anti-Smoke Belching Unit (ASBU) na kasama ng dalawang kotong cops ay nai-turn over na sa kanilang superior upang sila mismo ang magsagawa ng imbestigasyon laban sa kanilang tauhan.
- Latest
