Challenging, Fruitful Year

Avisala mga KaBisChika! Gahapon usa na pud ka tuig ang nadungag sa akong edad apan wala nako kini hunahunaa kay para nako ang edad…numero lang kini, ang mas importante giunsa nimo pagdala, pakigbisog ug pagpalambo ang imong kinabuhi. Atangi sunod Domingo ang detalye sa Yur Gifts feeding program sa inyong Yur’s truly!

Siguro usa sa mga rason nga nalipay ko sa Yur Events and Productions Team nako kay makaingon ko nga puwede na nako silang mabiyaan in-case of kinahanglan gyud kay naa ko’y mga prior commitment. Usa kini sa achievement para nako nga makapadagan na sila og on the show itself bisag wala ko. Apan sa mga meetings, production brainstorming kuyog ko nila para planuhon ang mga panghitabo. Tagaan nimo og tagsa-tagsa ka mga responsibilidad ug dili ka masayop. Mao kini ang nahitabo niaging semana kay ang inyong Mother Butanding naay hosting gig sa usa ka kasal—dili puwede nga mabalibaran na kay last year pa lang gi-book naka nila — unya naabot ang project sa Metro stores para sa ilang launching sa Wish Upon A Car Christmas Raffle Promo.

Malampuson kaayo ang gipahigayon nga Wish Upon A Car Christmas Raffle Promo sa Metro stores. Karung tuiga mas dako ug mas hugyaw nga papremyo ang ilang ipanghatag. Duha (2) ka mananaug og Nissan Navarra Calibre 4x2 ug Unom (6) mananaug sa Nissan Almera 1.2 MT. Siguro kun ikaw ang usa sa mga makadaug makasinggit ka sa kalipay! Mas nalipay ang mga valued shoppers sa Metro stores kay para sa ilang Wish Upon A Car Christmas Raffle Promo Launching duha ka mga Kapuso stars ang nilingaw sa usa kagabhiun nga puno sa mga pinaskuhan para sa mga nitambong niini. Nibisita ang nailhan nga Destiny Rose sa GMA Afternoon Prime nga si Ken Chan ug ang Tsuper Hero sa bag-ong GMA show Derrick Monasterio. NaHugyaw ang mga valued shoppers sa dihang tagsa – tagsa na kining nihatag sa ilang mga production numbers. Game kaayo ang duha sa ilang mga fans on stage ug ang highlights sa maong event nahitabo dihang gipakita na ang mga sakyanan nga pwede nimong madaug basta adto ka mag- shopping ug mangumpra sa Metro stores kauban ang mga Kapuso stars!

Para sa akong Yur Events and Productions Team avisala eshma! Siyempre daghang salamat sa Metro stores for trusting and believing sa among team. Hangtud na pud sunod event! 

YurEventsandProductions making your occasion a memorable event!

Drift na pud?

Trending karon ang chika nga ang rapper nga si Drake ug Taylor Swift na sab matud pa ang gihugonhugon nga may relasyon.

Ang taho mao nga  gipailaila ni Drake ngadto sa iyang inahan si Taylor atol sa iyang 30th birthday party didto sa Los Angeles niining bag-o lang.

Suma pa sa mga nakasaksi nga labihan matud pa ka sikit sa duruha atol sa party ug sweet kaayo sa usag-usa.

Suma pa nga nagselos og maayo ang ex boyfriend ni Taylor nga si Thor actor Tom Hiddleston pagkahibawo niya sa maong balita. Hinuon nanghinaot siya og kalipay para kang Taylor.

Jerome inspired kang Mika

Nagdumili ang actor nga si Jerome Ponce pagtino sa matuod nga estado nila ni volleyball star Mika Reyes.

”Ayokong manggaling sa akin,” nagkanayon siya sa interview sa ABS-CBN News ug pipila ka mga sakop sa press niining bag-o lang. “Ayokong maging assuming. Gusto ko na lang makita ng tao kung ano talaga kami.”

Saysay ni Jerome nga nagkaila sila ni Mika dihang ni-guest ang nahisgutan sa “ASAP.”

“We’re getting to know each other more and more,” matud pa niya.

Giasoy sab ni Jerome ang iyang nagustuhan kang Mika:  “More on sa pagkatao talaga niya. Siguro ‘yung iba, ang alam mayabang, masyado siyang bully and stuff. But deep inside, she’s lovable.”