Pahinante naipit

CEBU, Philippines - Patay ang usa ka pahinante human naipit sa mga kahoy sa gisakyan niining dump truck kagahapon sa udto sa may Lawaan 1, Dakbayan sa Talisay.

Moliko unta ang truck nga gimaneho ni Danilo Sabanal, 28, kasamtangang nagpuyo sa Calabasa, Carajay, Dakbayan sa Lapu-Lapu apan kalit nihunong gumikan kay dunay awto ug ang mga kahoy nga karga didto sa pahinante napaud.

Sa pagkutlo niining balita wala pa mailhi ang maong lalaki kinsa anaa na sa hustong pangedaron samtang wala sab kaila si Sabanal sanglit giabangan lang sa usa ka Jojo ang truck ug wala siya kaila sa pahinante. (BANAT NEWS)