CPA, Kapitolyo mag-alayon sa katalagman
Clockwise from top left: Anne Curtis, Jasmine Curtis-Smith, Pops Fernandez, Vina Morales, Isabel Granada, Tirso Cruz, Angel Aquino and have joined the roster of celebrity advocates who help spread awareness about the disease.
CEBU, Philippines - Nisulod karon og kasabutan ang Probinsiya sa Sugbo ug ang Cebu Port Authority (CPA) alang sa pag-alayon sa mga kalihukan sa pagpangandam sa katalagman.
Ang maong memorandum of understanding gipirmahan kini nilang Gobernador Hilario Davide III ug Angelo Verdan, ang general manager sa CPA, niadtong Hulyo 18.
Sa maong MOU, ang CPA maoy temporaryong storage area alang sa goods, equipment ug materyales sa Provincial Disaster Risk Reduction and Management Office (PDRRMO) diin seguraduhon usab sa maong ahensiya ang seguridad sa maong mga butang.
Moabaga sab ang CPA alang sa emergency planning assistance kun kinahanglan ug moapil sa pagpakabana sa emergency preparedness ug response training nga ihatag sa PDRRMO ngadto sa mga personnel niini.
Samtang sa bahin sa Kapitolyo pinaagi sa PDRRMO, ang maong buhatan mopahigayon og capacity-building activities sa mga sakop sa Emergency Response Teams sa CPA sama sa basic life support, basic first aid, basic water safety survival ug rescue training.
Ang PDRRMO mohatag kini og teknikal nga kinahanglan sa papel sa CPA sa panahon nga adunay katalagman o emerhensiya.
Pinaagi sa maong MOU, mo-coordinate usab ang PDRRMO sa recovery activities sa mga maapektohan nga lugar panahon sa katalagman ug pagseguro nga paspas ang paghatud sa hinabang sama sa pagkaon, tambal ug uban pa. - /GMR) (BANAT NEWS)
- Latest
