Nag-init si Thompson
MEMPHIS - Binuksan ni Klay Thompson ang laro mula sa kanyang back-to-back three-point shots, habang nagtala si Draymond Green ng triple double.
Dumiretso ang Golden State Warriors sa kanilang ikalawang sunod na panalo matapos gibain ang Grizzlies, 122-107.
Kumamada si Thompson ng 36 points, tampok ang 13-of-23 field goal shooting at 8-of-15 clip sa three-point line para sa Warriors, itinala ang kanilang pang-45 panalo sa 53 laban.
Nagposte naman si Green ng triple double sa kanyang 12 rebounds, 10 assists at 10 steals habang nagdagdag si Kevin Durant ng 24 points.
May 22 markers si Andre Iguodala at naglista si Stephen Curry ng 6-of-13 shots kasama ang 2-for-16 clip sa 3-point line.
Umiskor si Mike Conley ng 20 points para sa Memphis, natapos ang tatlong sunod na panalo.
Sa Brooklyn, nagpasabog si James Johnson ng 26 points para pangunahan ang Miami Heat sa 108-99 paggupo sa Nets.
Ito ang ika-13 sunod na arangkada ng Heat para sa kanilang pang-24 sa kabuuang 54 laro.
Nag-ambag naman si Goran Dragic ng 21 points, habang may 18 markers si Tyler Johnson para sa Miami.
Sa Michigan, naglista si Kawhi Leonard ng 32 points at humakot si LaMarcus Aldridge ng 19 point at 11 rebounds para pamunuan ang San Antonio Spurs sa 103-92 panalo laban sa Detroit Pistons.
Nagposte ang Spurs ng 21-point lead at dinomina ang Pistons sa rebounding, 50-35.
- Latest
