Pagpamalandong sa Malangkubong kaayohan

Ang bata nga nisugat

Niadto ko sa may MInistop. Gikapoy kay dunay gisuwat. Apan sa kalit lang, dunay bata nga kanako misugat dungan ang pagsangpit sa akong ngalan. Nidagan ang maong batang babaye ug kanako nikapyot. Ako siyang gikugos ug iya kong gihagkan. Ang tanan nakong kakapoy nawala ug nahulipan kini og kalipay nga dili hitupngan. Ang mga bata stress reliever alang nako. Stress reliever tungod kay ang ilang kinabuhi simple ra kun itandi sa atong kinabuhi ingon nga mga dagko. Kaanindot nga mobalik unta sa ilang kahimtang apan dili na mahimo apan ang pag-awat sa kinabuhing maantigong mosaulog sa mga yanong hitabo sa kinabuhi ang dako na kaayo og kahimoan aron mamahimong makahuloganon ang tanan.