CTMS mag bullet-proof vest
CEBU, Philippines - Uyon si Mario Napule, officer-in-charge sa City Traffic Management Systems sa Dakbayan sa Lapu-Lapu sa paghatag og bullet-proof vests ug sa giingon ni acting Mayor Marcial Ycong nga “case-to-case” basis ang paggamit niini.
Mitataw si Napule kagahapon sa Banat News nga kadtong traffic enforcers nga ma-assign sa danger zones ang angay mogamit niini.
Nagkanayon si Napule nga traffic enforcers lang sila ug dili combat force apan kun hatagan man gani sila sa city government, modawat ra sab sila sa bullet proof-vests.
Ang danger zones nga gitan-aw sa duha ka opisyal, gawas sa bug-at nga dagan sa trapiko, mao ang dalan sa Brgy Basak paingon sa Brgy Marigondon ug ang merkado sa Brgy Poblacion.
Kahinumduman nga sa miaging semana, si Ycong miingon nga dili tanang traffic enforcers ang mahatagan sa maong bullet-proof vest ug gitan-aw sab nga posibleng maapektuhan ang performance sa ilang trabaho tungod sa gibug-aton niini. (BANAT NEWS)
- Latest