Victorious Eagle mibihag sa J. Hayag
CEBU, Philippines - Lab-as pa sa ilang kadaugan, ang Victorious Eagle midagit na sab og daog human nila gibihag ang J. Hayag Marketing, 83-74 sa J&J Surplus Ballclub basketball tournament 7th Conference niadtong Lunes didto sa GT Academy gym sa Tayud, Lilo-an.
Balanse ang opensa sa Victorious Eagle, gani lima sa ilang players ang mitusik og double figures sa pagpangulo ni R. Lascuna sa iyang 15 puntos. Naka-double digits sab ang team manager nilang si Danrey Bayonla pinaagi sa iyang 12 puntos.
Ang naparot nga J. Hayag Marketing ni iJoelee Hayag gipangulohan ni R. Lofranco nga mirehistro og 21 puntos, gisundan ni Romnick dela Rama sa iyang 12 puntos.
Sa pasiunang duwa, ang W.D Construction miugkat na sab og daog pinaagi sa pagdemolis sa Domz Auto Supply, 77-64.
Gipangulohan ni Jhong ang kadaugan sa iyang game-high 26 puntos si F. Monleon mikandos og 12 puntos, samtang ang team manager nga si Peter Mereve ug Douglas mitampo og 10 puntos matag usa.
Si Bonggo mao sab ang nangu sa napildeng Domz Auto Supply nga miratsada og 17 puntos, samtang si Terrence Cadao mikabya og 15 puntos.
Ang liga nga nahimo ubos sa bendisyon sa ilang presidente nga si Henry Agbon, gipadagan ni commissioner Fury Trazona ug technical committee Chang Tejero sa abag nilang Noel Calo, Jeper Inahid ug Choy Pilapil.
Puntos matag usa
Unang duwa:
W.D Const. (77) – Jhong 26, F. Monleon 12, Douglas 10, Mereve 10, Gerald 7, Monleon 6, Dolgo 2, Pedere 2.
DOMZ Auto Supply (64) – Bonggo 17, Cadao 15, Arevalo 10, Icot 6, Mercader 3, Bano 3, Mandago 2, Ortiz 2, Soco 2, J. Oyao 2, Baring 2.
Ikaduhang duwa:
VICTORIOUS Eagle (83) – R. Lascuna 15, Belotendos 14, Bayonla 12, E. Lascuna 10, Cagas 10, Pepito 5, Calipes 5, Badajos 4, Patalot 2, Silorio 2, V. Pepito 2, N. Lascuna 2.
J. HAYAG (74) – Lofranco 21, Dela Rama 12, J.L. Hayag 9, Yuson 7, Sarchez 7, Maglasang 6, Villares 5, B. Hayag 3, C. Pepito 2, Cabahug 2. (BANAT NEWS)
- Latest