Sanggol sa Finland sa karton pinatutulog

Marahil ay sa Finland nagsimula ang kung tawagin ay baby shower kapag may kaibigan o kapamilya tayong nagdadalang-tao. May kaugalian kasi sila roon na ang mga babaeng malapit nang manganak ay binibigyan ng karton na pagtutulugan ng bata. Pero hindi lang ito karton dahil naglalaman ito ng mga pangangailangan ng bagong panganak na sanggol.

Ang nasabing tradisyon ay nagsimula pa umano noong 1930s at sinimulan para mabigyan ang lahat ng bata sa Finland, mayaman man o mahirap ng pantay na pagsisimula ng buhay. Magandang tradisyon nga naman ito para kahit ang mga kapos ay hindi mahihirapang maalagaan ang kanilang bagong panganak na sanggol.

Ang karton ay nag­lalaman ng mga diaper, damit, sleeping bag, gamit sa panlabas, mga gamit panligo ng sanggol, gamit pantulog at maliit na kutson na tulugan ng sanggol.