Katungod sa kababayen-an ipatigbabaw
CEBU, Philippines - Ang mga lokal nga kagamhanan sa Probinsiya giawhag sa istriktong pagpatuman sa Akta Republika 6725 kun “An Act Strengthening the Prohibition on Discrimination Against Women with Respect to Terms and Conditions of Employment, Amending for the Purpose Article One Hundred Thirty-Five of the Labor Code, as Amended”.’
Si Earl Tidy Oyas nagkanayon nga ang mga lokal nga kagamhanan kinahanglan nga mopatuman sa gahum niini alang sa kaayohan sa tanan.
Kinahanglan usab nga i-promote sa mga lokal nga kagamhanan ang kultura, kahusay ug kalinaw, safety ug protektahan ang katungod sa ilang mga residente.
Matud niya nga kalapasan sa balaod ang pag-discriminate sa usa ka employer ngadto sa iyang babaye nga empleyado.
Lakip sa maong diskriminasyon mao ang paghatag og ubos nga sweldo sa iyang kawani nga babaye ug dili patas nga benepisyo kompara sa gihatag niini ngadto sa iyang kawani nga lalaki bisan og pareho og equal value ang ilang mga trabaho.
Paghatag og pabor sa lalaking kawani sa mga promotion, training opportunities, pagtungha ug scholarship grants.
Sa laing bahin, gikataho nga sa tuig 2015 misaka ngadto sa 20 porsiyento ang kaso sa pagpangabuso sa kababayen-an.
Kini base sa talaan sa kapolisan sa Dakbayan sa Sugbo.
Sa tuig 2014 adunay na-report nga 953 ka kaso sa pagpangabuso sa kababayen-an ug sa tuig 2015 miabot kini ngadto sa 1,276. (BANAT NEWS)
- Latest