Paano iintindihin si kuting? (1)
Makailang ulit nang naisulat sa kolum na ito ang posibleng kahulugan ng galaw ng mga aso kaya marami rin ang may request na sana raw ay kahulugan ng pusa ang aming alamin.
Marami ang nagsasabing ang pusa ay illogical at unpredictable pets dahil nga mahirap hulaan ang ibig nilang iparating sa mga tao. May sarili rin daw silang language at kapag inaral ay maaari mo rin silang maintindihan.
Heto ang ilang tips mula sa experts sa pag-aalaga ng pusa:
Kung itinaas ni Kuting ang kanyang buntot at binaluktot ito, ibig sabihin ay masaya siya.
Kung ang kanyang buntot ay patungo sa iba’t ibang direksyon, maaring siya ay excited o kaya ay natatakot.
Kapag napansin niyong tila nanginig o nag-vibrate ang kanyang buntot, ibig sabihin nito ay masaya siya at nakita niya kayo.
Bigla bang bumaba ang buntot ng inyong alagang pusa? Maaaring natatakot siya o kaya nagi-guilty gaya rin ng ibig sabihin ni Bantay.
Napansin niyo bang mabilis niyang ginagalaw ang kanyang buntot? Maaaring siya ay iritable, mas nakabubuting iwanan muna ang inyong pusa pansamantala. (ITUTULOY…)
- Latest
