Pinakamamahal na Lola
Dear Vanezza,
Love ko si Mamala na tawag ko sa aking lola. Baby pa lang ako kasama na namin siya sa bahay. Kaso pupunta na kami sa Australia ngayon Pebrero dahil dun na kami titira. Hindi ko maintindihan kung paano natitiis ng tatay na iwan si Mamala. Hindi raw puwedeng makuha basta-basta si Mamala dahil kailangan pang mag-ipon ng pera si tatay para makasama namin ito sa Australia. Sinasabi lang ni Mamala na okey lang siya dahil daw sa matanda na siya, pero iba ang sinasabi ng kanyang mga mata. Sana ay π may magic ako para makasama namin ang pinakamamahal kong lola. - Mariela
Dear Mariela,
Tiyak na hindi matitiis ng tatay mo na hindi makasama ang lola mo sa Australia. Hindi nga lang ganun kadali dahil maraming proseso ang pagdadaanan. Huwag kang mag-alala dahil puwede mo naman siyang makausap sa pamamagitan ng video cam sa Facebook. Kaya hindi pa rin mapuputol ang pag-uusap n’yo ng iyong lola.
Sumasainyo,
Vanezza
- Latest