Blacklisted na Employer
Natuwa ang mga overseas Filipino workers sa Saudi Arabi sa aksiyon ng Labor Ministry ng nasabing bansa sa planong ilalathala ang mga pangalan ng mga employer at recruiter agencies na sangkot sa pang-aabuso sa mga domestic helpers.
Ang magiging blacklisted na mahuhuling abusadong employer at agency ay pangangalanan sa Musaned, ang government website na licensed recruitment office ng UKS.
Lahat ay sang-ayon sa ganitong hakbang na ang layunin ay maprotektahan ang karapatan ng mga household service workers laban sa mga masasamang amo. Mungkahi ng mga OFW na dapat ang mahuhuling employers na mabibilang sa listahan ay hindi na dapat bigyan ng kasambahay.
Pero hiling ng mga OFW na dapat ang gobyerno mismo sa ‘Pinas ang mag-doble check dahil karamihan sa mga employers ay nagpapalit lang ng pangalan. Dapat din na i-track ng pamahalaan ang mga agencies na nagpapadala ng mga empleyado sa Gitnang Silangan. Upang alamin ang tunay na kalagayan ng mga OFW lalo na ang mga DH nang tuluyang mapangalagaan ang kapakanan ng mga kababayang Pinoy.
- Latest