George gusto moduwa sa Olympics

Ganado si Indiana Pacers star Paul George nga moduwa pag-usab sa Olympics uban ang  Team USA human sa impresibo niyang performance sa NBA.

Si George wala kaduwa sa Team USA  atol sa World Cup human mabali iyang tiil sa ensayo niadtong tuig 2014, apan andam na siya karon nga moserbisyo sa ilang national team.

Reid sayung mouban sa ensayo

Ania na sa nasud ang veteran PBA import nga si Arizona Reid kinsa moapil dayun sa ensayo sa San Miguel Beermen karong adlawa pangandam sa PBA Governors' Cup nga sugdan sa Hulyo 15.

Si Reid seryoso sa iyang tumong nga tabangan ang Beermen nga madepensaan ilang titulo sa Governors' Cup.

Umagad ni Ali miaway sa UFC

Usa ka adlaw sa pagkamatay sa iyang father-in-law ug boxing legend nga si Muhammad Ali, ang mixed martial arts fighter nga si Kevin Casey mipakita og aksyon sulod sa cage atol sa UFC 199 kagahapon didto sa California.

Si Casey kinsa naminyo ni Hana Ali, nakigtabla hinuon ni Elvis Mutapcic atol sa ilang sangka.