Maguindanao niyanig ng 2 pagsabog
MANILA, Philippines — Niyanig ng dalawang insidente ng pagsabog ng bomba na hinihinalang kagagawan ng Bangsamoro Islamic Freedom Fighters (BIFF) ang bayan ng Datu Odin, Sinsuat kahapon ng umaga.
Ayon kay Captain Arvin Encinas, Spokesman ng Army’s 6th Infantry Division (ID), dakong alas-6:45 ng umaga nang maitala ang unang pagsabog sa highway ng Brgy. Semba ng nasabing bayan.
Sinabi ng opisyal, sampung minuto pa matapos ang unang insidente ay nagkaroon ng ikalawang pagsabog sa lugar.
Nagulantang naman ang mga residente dito na nabulabog bunga ng naturang pagsabog.
Wala namang naitalang nasugatan at nasawi sa insidente pero ang pagsabog ay tumama sa gate ng isang bahay at ilang puno sa lugar.
Lumilitaw naman na mortar rounds ang ginamit sa pagpapasabog.
Nagsasagawa na ng follow-up investigation ang mga awtoridad sa kasong ito.
- Latest