Bam nanawagan ng pagkakaisa para sa reporma sa edukasyon

MANILA, Philippines – Matapos ang pagsasabatas ng Universal Access to Quality Tertiary Education Act, nanawagan si Sen. Bam Aquino sa iba’t ibang sektor sa edukasyon na magkaisa at sama-samang magtrabaho para maisulong ang mga reporma sa edukasyon upang mabigyan mas magandang kinabukasan ang maraming Pilipinong estudyante.

"Now that we’ve passed our major reform, giving more Filipinos access to a college education through the Universal Access to Quality Tertiary Education Act, we must move to strengthen the quality of education in the country," wika ni Aquino sa kanyang speech sa 2017 Philippine Education Summit.

Sa nasabing event, ipinasa ng iba’t ibang ahensiya ng pamahalaan, kabilang ang Department of Education (DepEd), Commission on Higher Education (CHED) at Technical Education and Skills Deveopment Authority (TESDA) ang kanilang mga nagawa sa nakalipas na taon, ang mga hamon sa hinaharap at mga plano upang mapaganda pa ang kalidad ng edukasyon sa Pilipinas.

"Let’s work together to ensure that there is a seamless transition from student to employee or entrepreneur through strong academic-industry linkages," dagdag ng senador.

Pinangunahan ni Aquino ang pagsasabatas ng Republic Act 10931 o Universal Access to Quality Tertiary Education Act, na naglalayong mabibigyan ang mga estudyante ng libreng edukasyon sa state universities and colleges, local universities and colleges at vocational schools ng TESDA.

Maliban sa matriukula, sagot na rin ng pamahalaan ang miscellaneous at iba pang bayarin.

Mabibigyan din ng scholarship grants ang mga estudyante ng pampubliko at pribadong kolehiyo at unibersidad.

Isa sa mga kakaibang benepisyo ng panukala ay ang loan program, kung saan maaaring mangutang ang mga estudyante para sa ibang gastusin sa pag-aaral.