Matrix ng mga pulitikong nagpopondo sa Maute, ipinakita ni DU30

MANILA, Philippines — Ipinakita ni Pangulong Rodrigo Duterte ang ‘matrix’ ng mga pulitiko na nagpopondo sa mga Maute-ISIS Group. 

Isinagawa ito ng Pangulo sa kaniyang ikalimang pagbisita sa Marawi City kamakalawa subalit hindi na nito binanggit ang mga pulitiko na nasa listahan. 

Binanggit pa nito  na ang mga pulitikong nasa kaniyang matrix ay siyang naging dahilan kung bakit tumagal ang labanan sa Marawi City dahil sa sila ang nagpopondo ng mga armas at mga bomba na gamit ng mga Maute Group. 

Tiniyak nito na kaniyang pananagutin ang nasabing mga pulitiko na nagpopondo sa mga rebeldeng grupo. Nagpamigay ito ng mga relo at goods sa mga sundalong nasa gitna ng labanan.