107 preso pinalaya ng Maute group
MANILA, Philippines – Umabot sa 107 preso ang pinalaya ng Maute group sa dalawang kulungan sa lalawigan ng Lanao del Sur kahapon.
Sinabi ni Autonomous Region in Muslim Mindanao Gov. Mujiv Hataman na sabay inatake ng armadong grupo ang Malabang District Jail at Marawi City Jail kahapon.
Bukod dito, walong katao ang dinukot nila habang nakikipag engkwentro sila sa 103rd Brigade ng Army sa Barangay Basak Malulut.
“They even took one government vehicle used in transporting detainees from the jail to the court,” wika ni Hataman.
“We already have the names of the people the Maute terrorists abducted but we have to keep their names meantime,” dagdag ng ARMM governor.
Kinumpirma rin niya ang panununog ng armadong grupo ng simbahanng Katoliko, isang lumang paaralan at Dansalan College sa Marawi City.
Isinailalim na ni Pangulong Rodrigo Duterte ang buong Mindanao sa martial law.
Kauuwi lamang nitong hapon ni Duterte mula sa Russia kung saan siya nakipagpulong kay Vladimir Putin.
- Latest
