De Lima dinepensahan si Mocha Uson sa mga kritiko
MANILA, Philippines – Nakahanap ng kakampi ang kontrobersyal na opisyal ng gobyernong si Mocha Uson mula sa kaniyang binabatikos na si Sen. Leila de Lima.
Dinepensahan ni de Lima ang Communications assistant secretary sa mga kritiko na hinuhukay pa ang nakaraan ni Uson.
"I would be the first to defend her against attacks that focus on people’s perception of her character or morality, based on what she used to do for a living," nakasaad sa liham ng senadora mula sa kaniyang kulungan sa Philippine National Police Custodial Center.
"I would ask people not to slut-shame her, to use her past career, relationships or sexual history to malign her, to subject her to misogynistic attacks, or any other form of ad hominem attacks, for that matter. Those things are personal to her, and that is between her and her God," dagdag niya.
BASAHIN: Mocha Uson ginawang assistant secretary ng PCOO
Marami ang hindi natuwa sa pagkakalipat ni Uson sa Presidential Communications Operations Office mula sa pagiging board member ng Movie and Television Review and Classification Board.
Binatikos ng mga kritiko si Uson dahil sa nakaraan nito na pagiging sexy performer.
Sinabi naman ni Pangulong Rodrigo Duterte na itinalaga niya si Uson dahil sa utang na loob na nag-ugat nang tulungan siya noong panahon ng kampanya.
"Utang na loob ko 'yan sa kanila because they offered their services free at a time na wala akong pera because they believed in me. Now it's my time to believe in them," wika ni Duterte.
Kapwa binabatikos naman nina Duterte at Uson ang senadora dahil sa umano’y pagkakasangkot niya sa ilegal na droga kung saan naungkay din ang pagkakaroon niya ng relasyon sa dati niyang driver at bodyguard na si Ronnie Dayan.
BASAHIN: Duterte sa pag-appoint kay Mocha Uson: Utang na loob ko yan
Pinayuhan naman ni de Lima si Uson na gamitin ang pwesto sa gobyerno upang magpakalat ng katotohanan at hindi ng mga fake news.
“She is no longer just a private blogger or social media personality; she is now a civil servant,” sabi ni de Lima.
“I implore her to be more circumspect about her choice of words and way of saying them. I do not mean that she ought to use sophisticated words. In fact, I do encourage her to speak plainly. Plain but cleanly. Be aware that our children are listening to us,” dagdag niya.
- Latest